|
Temas
Archivos
Enlaces
Curiosidades varias
O cine
O deporte
O galego
A música
A publicidade
A televisión
Información
Política
Galicia
HAI QUE BOTALOS!
Humor
Buscadores
Radio
Diarios
|
Se muestran los artículos pertenecientes al tema O deporte.
 Non sabedes todos vós canto lamentei non poder estar nas gradas do Multiusos de San Lázaro de Santiago de Compostela... Por fin voltaríamos ver tódolos santiagueses, ese estadio cheo por completo, ó igual que estivo nos tempos nos que a Sociedade Deportiva Compostela estaba na Primeira División. Por iso, e porque ademáis, despois de, nada máis e nada menos que sesenta e nove anos que a Selección Galega de Fútbol non xogaba un amigable... E este foi ante Uruguai, terra na que moitos dos nosos paisanos están a vivir por mor da emigración, e noutras circunstancias, do exilio... Para ser francos, a selección charrúa, non era a bicampiona do mundo dos anos 30 e 50, senón que enfrontámonos ante unha selección abatida tralo fiasco de non podere clasificarse para o Mundial de Alemaña, e con ausencias tan notables coma as de Nestor Fabián Cannobio (xogador celtiña), Diego Forlán (do submarelo amarelo), e o Chino Recoba (xogador do Inter de Milán)... Pero os galegos si tivemos o noso Chino, Roberto Losada, aínda que este non andou moi fino ca porta uruguaia... Pero si Nano... O coruñés rematou ó fondo das redes un centro de Xulio Álvarez que supuxo o un a cero... O primeiro gol galego dende hai case 70 anos!!!! Sinceiramente, non esperaba que a selección galega xogase dese xeito... O comezo do partido, o equipo custáballe moito saír co balón xogado, aínda que co paso dos minutos puidemos ver unha escadra que movía o esférico ó primeiro toque, e que deixaba detalles de calidade, sobre todo por futbolistas coma Pablo Álvarez, Emilio Viqueira ou Borja... Ademáis, debemos ter en conta, que dous pilares básicos do equipo galego non estaban dispoñibles, coma Borja Oubiña e Fran, que estaban tocados e non podían desputar este encontro. O amigable tamén o perdeu o goleador do Glasgow Rangers, Nacho Novo (non o actor, un futbolista...  ) Na segunda metade, un equipo totalmente novo, entrou xa con gañas de remata-la festa. Deus, xogador que chegara rebotado tralas ausencias doutros xogadores que non estaban dispoñibles, fixo o segundo gol, tras un excelente pase de Juanito, o xogador do Racing... E o mesmo Deus sería o encargado de marcar o terceiro... Un gol para enmarcar... Túnel de Viqueira a un rival, pase a Michel Salgado, e o madridista, centra coa dereita por alto, de xeito que Deus remata de volea sen que o gardamallas Carini nada puidese facer... Tres a cero... Tres a cero a Uruguai... Isto é incríble... Boeno, ademáis, os uruguaios marcaron dous goles, ó final do partido, tras dous despistes de Noguerol, nos que o gardameta Roberto do Sporting de Xixón, nada puido facer... Pero ó máis importante non é a victoria... O máis importante é ver unha afición galega, cantando Queixumes dos Pinos para empezar, e logo Eu traio unha borracheira... Máis tarde A Rianxeira... Vai o jol, ajora vai o jol.... Un verdadeiro festival no que tódolos galegos desfrutaron do millor fútbol... E que haxa moitos máis...  Onte, no campo de terra de fútbol de Conxo, disputouse un encontro amigable en honra a un compañeiro e amigo que pola mala fortuna, foinos quitado o día 28 de Xullo deste ano. Todos sabemos que a estrada é traizoeira, e levounos a unha das millores persoas que había no mundo. Se non soa a tópico cando se di que sempre se van os millores... neste caso é ben certo... Foise un excelente amigo, co que eu compartín numerosas anédotas, diversos partidos de fútbol e de baloncesto... Moitas aventuras, e dame moita mágoa que non foran moitas máis... Coñecín a Óscar no Antón Fraguas, foi comigo dous ou tres cursos no instituto, e xa fixemos boas migas dende o primeiro día... Correxíame os traballos e deberes da clase (era moi bo estudante e moi traballador), xogamos pachangas no recreo de fútbol (el era un grandísimo xogador, deso os do Conxo tiñan moi boa nota, ó igual que o Compos...) e tamén de baloncesto... (como desesperaba con el, ademais de ser alto, era o único capaz de facer mates sen pestanexar...) En fin, un grande amigo, grande compañeiro, estudante, mozo, fillo... Unha grandísima persoa... Quero pensar que el saiba que estea onde estea, sempre o recordaremos e non sairá nunca da nosa memoria esa imaxe sorrinte que el sempre tiña na faciana... En fin Óscar es o millor... O partido foi entre o seu equipo, o Conxo de xuvenís e unha selección dos grandes compañeiros cos que el estivo xogando gran parte da súa vida... O partido comezou bastante turbio, con varias ocasións dos dous equipos... O primeiro gol foi do Conxo, un excepcional remate de cabeza que non puido deter Vilarinho, a pesar de estar moi ben posicionado... Pero, minutos despois este home tiña que aparecer... Iván Pérez, actual xogador do Laracha de Terceira, driblou de maneira incríble a dous rivais e conectou un fortísimo disparo coa esquerda... Vaia golazo!!!! O máis emotivo e que todo o equipo foi a darlle un abrazo á nai de Óscar e Iván alzou a súa mirada e o seu brazo ó ceo... Para ti Óscar... Unha excelente actuación do gardameta Óscar Vilarinho evitou que o Conxo se adiantase ó marcador... Na segunda metade, a selección impúxose con tres excelentes tantos, pero daba igual, porque o partido era para Óscar. O público ovacionou a ámbolos dous equipos, que deron espectáculo, todo o que puideron para Óscar... Lembrarémoste sempre, non te esqueceremos...  0-3... 0-3... 0-3... Nin máis nin menos, que tres goles no Santiago Bernabeu, para facer que o público tivera que renderse ante a clase de Ronaldinho, Eto´o e compañía... Tres latigazos... Tres espectaculares goles que nin Deus sabe se se volverán a repetir... Os brancos saíron coas de perder dende o comezo do partido... Neste partido comprobouse que perla era a millor: Leo Messi estivo á altura do partido, mentres Robinho deixou, en todo o partido, un regate e un centro sen rematador. Messi significou velocidade, desparpaxo, atrevimento, pase pero... falta de definición. A Pulga só tivo que definir, pero non o conseguiu. Jimmy Jump fixo acto de presencia ó comezo do partido, burlando os gardas de seguridade... No principio da segunda metade sae Mark Roberts... De streakers estivo o partido, porque ós merengues quedaron en bolas ante o esplendor do Barça. A festa comezou cun gol de Samuel, nin máis nin menos, un xiro no que dribla a tres rivais e un tiro recto eficaz, certero... Casillas nada puido facer... A festa continuou na primeira parte coas entradas de Messi... Tiña louca á defensa branca, driblando sen parar... Lembro coma me levantei cando na segunda metade, Dinho marcou o segundo gol... Colle o balón no medio do campo, vaise de Sergio Ramos cunha facilidade pasmosa, continúa correndo... e cun sutil recorte hacia a súa perna dereita, rómpelle a cadeira a Helguera e bate a Casillas, de maneira exemplar. O salto foi meirande ca co gol anterior... Tres amigos do Barça, o resto do Madrid... Coma rimos nolos tres... A guinda foi o terceiro... Dinho outra vez arrancou dende o medio do campo... Cando vin que o astro brasileiro collía o balón... gritei: Dinho! LÍALA! ti sabes!... Dito e feito. Volve a sentar a Sergio Ramos, e bate de disparo cruzado a Casillas de forma espectacular... Os aplausos comezaron a soar nun Bernabeu no que Laporta non puido celebrar os goles... Aínda por riba hoxe tamén lle gaña o Werder Bremen por tres goles a un... Se cando se está en racha, estase...
 Ninguén podía imaxinar que a selección de fútbol eslovaca ía ser tan feble. Apenas opuxeron resistencia ante un combinado español que estivo sensacional, sobre todo durante a primeira metade. O Vicente Calderón estaba repleto de xente para ve-lo partido. Nada máis comezar, nun saque de córner efectuado por Xavi, Luis García remata ó fondo das mallas cun excepcional testarazo. Dez minutos máis tarde, un exquisito pase de Xavi por riba da defensa, é recollido co peito por Luis García, quen sen deixar cae-lo balón, bate de disparo cruzado ó gardameta eslovaco... Unha primeira parte na que o dominio foi ibérico, e no que a calidade eslovaca en defensa deixaba moito que desexar... A segunda metade comezou con susto... Un pase a Casillas de Luis García é interceptado por Nemeth, quen envía o balón á rede... Cun 2-1, a selección iría moi presionada a Eslovaquia, e non podería apenas respirar... Pero no minuto 65, tras un errado remate de Luis García, Kratochvil parece rebasa-lo balón coa mao, aínda que a xogada é máis que dubidosa. O árbitro decreta penalti, transformado por Torres. De novo, tranquilidade... Pero Luis García era o home do partido, e tiña que rematar con hat-trick, e tras unha xenial xogada de Vicente (que saiu na segunda metade no canto de Reyes), o centro deste é rematado por Luis García co tacón. 4-1. Eliminatoria sentenciada. Pero habería tempo para un quinto que alzara a manciña... A dez minutos do final, Vicente realiza outro dos seus fantásticos centros, rematado de xeito soberbio por Morientes (recambio do ovacionado Luis García)... En fin, cabe destacar que Luis García é un crack inesperado, pero este rapaz catalán está triunfando na Premier League, e non é de estranar... Supoño que con este resultado deberemos estar en Alemaña... Pero, para unha vez que xogan ben, tampouco imos tirar cohetes... O bo faise esperar...  Este ano, coma todos, toca a lista elaborada por France Football, para determinar cal é o millor xogador do mundo neste ano 2005... Os brasileiros, coma sempre, son dominantes neste tipo de eventos, pero esperamos que os canarinhos deixen algunha migalla para os demais... Porque... Sempre o mesmo... Acaba por cansar... A continuación colócovos a lista dos xogadores nominados: Adriano, Ballack, Beckham, Buffon, Mauro Camoranesi, Fabio Cannavaro, Jamie Carragher, Petr Cech, Andriy Shevchenko. Grégory Coupet, Cris, Deco, Dida, Didier Drogba, Emerson, Michael Essien, Samuel Eto´o, Luis Figo, Diego Forlán, Luis García, Steven Gerrard, Thierry Henry, Zlatan Ibrahimovic Juninho, Kaká, Frank Lampard, Roy Makaay, Claude Makelele, Paolo Maldini, Pavel Nedved, Michael Owen, Park Ji-Sung, Andrea Pirlo, Raúl, Juan Román Riquelme, Arjen Robben, Roberto Carlos, Robinho, Ronaldinho, Ronaldo, Cristiano Ronaldo, Wayne Rooney, John Terry, Lilian Thuram, David Trezeguet, Marc van Bommel, Ruud van Nistelrooy, Patrick Vieira, Xavi e Zinedine Zidane. En negriña aqueles que, baixo o meu punto de vista poden ser galardoados con este balón tan peculiar... Por carreira futbolística ou por tempada 2004-2005 creo que estes son merecedores... Vostedes que opinan?  O Barça recurtando distancias ós postos de cabeza... O Valencia e o Madrid que case quedan sen extremidades no campo... E o Xetafe de Bernd Schuster unha vez máis, é o líder nesta tempada por terceira vez... Os galegos podemos sentirnos orgullosos, dun Celta que está a bater récords neste arranque ligueiro... Mentres se lle acusa ós árbitros de persecución e de favoritismos en contra do Real Madrid, o certo é que os merengues non realizan o xogo do que deberían facer gala... Continúan nos postos altos, pero esta derrota na casa afúndeos moralmente de xeito inimaxinable... O Valencia deste xeito, empata a puntos cos brancos, deixando atrás o seu preocupante comezo de liga... O Athletic non levanta cabeza, e Mendilibar que tampouco a levante xa que está a piques de ser destituido polo xunta directiva do clube... Unha derrota contra o Cádiz, pon os leóns contra as cordas... O Deportivo, tralo seu épico empate fronte o Barcelona, perde en San Sebastián por dous goles a cero, severo castigo para os de Caparrós  O Madrid consegue, un ano máis vencer no Vicente Calderón. A victoria foi encarrilada moi cedo, cun penalti supostamente cometido por Antonio López sobre Raúl. O árbitro non lle tremou o pulso á hora de decreta-la pena máxima. A repetición ofrece moitas dúbidas. Ademáis, Antonio López foi expulsado polas protestas, con tarxeta vermella directa, polo que perderá os dous próximos encontros de Liga. O penalti foi transformado por Ronaldo, o ariete brasileiro vai perseguindo a Eto´o na lista de máximos goleadores... O fútbol foi moi pouco vistoso por parte dos merengues, e moi voluntarioso por parte dos vermellibrancos, que gozaron de diversas oportunidades para bater a Casillas, unha vez máis, o heroe do seu equipo. Na segunda parte o Madrid realizou os seus trocos, entre eles Guti, quen lle deu máis elegancia ó xogo dos de Luxemburgo. Un pase en profundidade a Ronaldo de Guti, e unha definición excepcional do brasileiro, decantaron o choque a favor dos brancos... Nos últimos intres de partido, e xa sen nada que facer, o Madrid consegue o terceiro, logo dun erro de Perea no rexeite, que fa que entre o baón na portería de Leo Franco... O Madrid colócase líder á espera do que fagan ó resto o domingo... O Barça deixou escapar en Riazor unha victoria que tiña no seu peto tras remontar un marcador adverso de 1-0, tanto marcado por Juan Carlos Valerón no minuto 8 de partido. O Barça foi superior ó Deportivo durante todo o partido, recordando en moitas ocasións a aquel Barça campión de Liga. O xogo foi brillante, sobre todo polas súas dúas grandes estrelas: Ronaldinho y Samuel Eto´o... A celebración de Eto´o foi a esperada... Prometéralle ó Neng de Castelfa, unha celebración especial, bailando coma o personaxe de Buenafuente, co seu típico aleteo de mans. Despois do gol de Eto´o, Ronaldinho remata unha grande xogada persoal, desbordando a Manuel Pablo cunha cola de vaca, e batendo de disparo cruzado a Molina... O Barça ía ó descanso cunha vantaxe dun gol. Nada máis comeza-la segunda parte, Ronaldinho volveu inqueda-la meta de Molina, cun forte disparo que marcha desviado. Logo, o Barça, en teoría, mata o partido. O árbitro pita un penalti máis que riguroso a Molina por falta a Deco... Ronaldinho remata a faena cun potente disparo no que nada pode facer o gardameta branquiazul... O Barça tiña a victoria no peto, e puido conseguir máis goles... Un pase sen mirar de Ronaldinho a Eto´o remata sendo repelido polo pao dereito da portería deportivista, e minutos máis tarde, Deco remata unha volea que a piques está de entrar por toda a escadra. Pero os galegos espertaron... Munitis cunha excelente xogada persoal, acomodando o balón cara a súa perna esquerda, bate a Valdés, un gol, creo, dos millores da súa carreira, a pesar de que el quedou só celebrando o tanto. O Depor continúa asediando a meta blaugrana, cando no minuto 40 da segunda metade, Rubén Castro, tras un disparo de Taborda que bate no poste esquerdo de Valdés, culmina a remontada, logrando o punto para a Deportivo. Para os galegos, ledicia; para os cataláns, vergonza por non matar un partido que tiñan gañado... Ademais do partido entre Eslovaquia e España, concretáronse outros emparellamentos na zona europea. Ó final, Suiza enfrontarase a Turquía nun encontro de alta expectación, xa que ambos son equipos con grandes cualidades. Por último, a sorte doulla á República Checa a Noruega coma rival para esta repesca europea. A representación de Oceanía será levada a cabo, coma de costume, por Australia, que se terá que enfrontar ó quinto clasificado do grupo da zona CONMEBOL, é dicir, de Sudamérica, neste caso, os charrúas, Uruguai. Bahrein ten unha posibilidade histórica para clasificarse a un Mundial. Tras pasar unha difícil repesca fronte a Uzbekistán, a selección de Oriente Medio terá que disputar outra repesca máis ante o cuarto clasificado do grupo da zona CONCACAF, neste caso, o conxunto de Trinidade e Tobago... Ademais dos 27 equipos xa nomeados en artigos anteriores, quedan por saber as cinco seleccións que saíran destas repescas para completar os 32 conxuntos millores do mundo...  Hoxe celebrouse na sede oficial da FIFA en Zurich, o sorteo que daría en azar o rival fronte o que a selección española se tería que enfrontar para a repesca... Tocou Eslovaquia, rival case descoñecido para a selección, pero que terá que ser derrotado se o combinado español quere estar na próxima cita mundial no 2006 en Alemaña. O partido de ida será na casa o día 12 de novembro, a Federación designou o Vicente Calderón coma estadio para disputa-lo encontro e a volta será en Eslovaquia catro días despois... Ó final non foi a xa coñecida Noruega, nin a brillante Suiza (que case manda á respesca a Francia), senón o rival que menos lle gustaba a Luis Aragonés. Agora hai que tratar de superar os "malos rollos" existentes entre os xogadores e tratar de vencer á selección eslovaca. Por mor de non clasificarse de 1º de grupo, a selección non será cabeza de serie na Eurocopa do 2008, co cal, poden tocar na primeira fase os rivais máis temidos... Agora en serio, é lamentable que unha selección coma a española teña que superar unha repesca, cando lle asignaron un grupo tan asequible coma este... Ningún rival de renome, pero Serbia soubo xogar con humildade e con entrega, non coma os nosos xogadores... En realidade, se a selección non vai ó Mundial non sería algo coma para levarse as mans á testa... Meréceno, por fachendosos, por creídos, por chulitos... A última xornada, decidiu, na maioría dos casos, cales serían os asistentes á próxima cita mundial de Alemaña 2006. En todo o globo, estes foron os resultados: (En negriña, os partidos que foron determinantes)Zona UEFAAndorra 0-3 Armenia Finlandia 0-3 Rep. Checa Holanda 0-0 Macedonia Kazaxistán 1-2 Dinamarca Albania 0-1 Turquía Grecia 1-0 Xeorxia Eslovaquia 0-0 Rusia Portugal 3-0 Letonia Luxemburgo 0-2 Estonia Francia 4-0 Chipre Eire 0-0 SuízaEslovenia 0-3 Escocia Bielorrusia 0-1 Noruega Italia 2-1 Moldavia Inglaterra 2-1 Polonia Gales 2-0 Azerbaixán Austria 2-0 Irlanda do Norte San Marino 0-6 España Lituania 1-1 Bélxica Serbia 1-0 Bosnia Malta 1-1 Bulgaria Hungría 0-0 Croacia Suecia 3-1 Islandia Zona CONCACAFEstados Unidos 2-0 Panamá Guatemala 3-1 Costa Rica Trinidade e Tobago 2-1 México Zona CONMEBOLUruguai 1-0 Arxentina Brasil 3-0 Venezuela Paraguai 0-1 Colombia Chile 0-0 Ecuador Perú 4-1 Bolivia  Que mágoa que non poidamos disfrutar de grandes seleccións e en particular, de grandes xogadores por mor de que non foran capaces de clasificarse. África foi a que máis sorpresas deu. Non estarán os Eto´o, Lauren, Wome... Non foron capaces de vencer a Exipto... Empate a un, un penalti no minuto 94´, Wome dispara coa esquerda... eeeeee... o pao! Desta maneira, a selección de Costa de Marfil pode berrar e celebrar por todo o alto a participación no mundial... Ó mesmo que Togo, que logrou deixar fóra do Mundial á selección revelación de Xapón e Corea 2002: Senegal... E seguimos... Nixeria tamén é outra das grandes africanas que queda eliminada, neste caso por Angola... Suráfrica non asistirá tampouco a Alemaña, xa que Ghana gaña unha participación no mundial... Marrocos continúa ausente nos torneos internacionais dende Francia 1998. No seu lugar vai Tunicia... En Europa, a campiona da pasada Eurocopa non estará. Grecia quedou carta nun grupo moi complicado, no que tamén estaban Dinamarca (otra das grandes ausentes en Alemaña), Turquía (terceira no pasado Mundial) e Ucraína, a cal quedou primeira de grupo, para sorpresa de todos. Romanía non foi capaz de facerse un hoco entre os dous primeiros postos do grupo 1, xa que tiña ante ela a dúas rivais potentes coma a República Checa e Holanda. Rusia quedou fóra no último momento e cedeulle a praza da repesca a Eslovaquia, toda unha revelación. Letonia, aínda que logrou clasificarse á pasada Eurocopa non foi quen de clasificarse no difícil grupo 3. O Eire quedou fóra por un punto, e Suíza logrou a praza de repesca coma cabeza de serie. Eslovenia (unha selección revelación nos últimos anos, co seleccionador serbio Katanec) non foi capaz de clasificarse, tendo a duros rivais coma Italia e Noruega. Escocia intenta reverdecer vellos laureis de Francia 1998, e queda outro ano máis fóra da cita futbolística. Bélxica xa non é coma aquela que quedou cuarta no mundial de México 1986, e non foi capaz de clasificarse no grupo de España, e quedou relegada ó carto lugar, por debaixo de Bosnia. Bulgaria tampouco é a que quedou cuarta no mundial de Estados Unidos 1994, e non puido con Suecia e Croacia no grupo 8. Por outra banda, China non puido repetir a participación de Corea e Xapón no 2002, e foi eliminada por Uzbekistán, xa na primeira fase. En substitución do xigante asiático vai Irán. Agora só queda por saber os partidos de repesca... Cómo serán? Non era de estranar que España ía gañar fronte a feble selección do microestado de San Marino. Os goles eran os necesarios para ser primeiros de grupo se Serbia erraba ante Bosnia, empatando ou perdendo... Pero non foi así. Os serbios fixeron ben os seus deberes gañando por 1-0 ante os bosnios. España quedou así segunda de grupo con 20 puntos, e tendo que disputar a repesca. Por sorte, a selección foi encadrada como cabeza de grupo, e non terá que enfrontarse ante a República Checa ou Turquía. Na repesca, poden tocar tres rivais: Noruega (o cal xa eliminaron na anterior repesca para a Eurocopa 2004 de Portugal), Suíza (unha nación emerxente no panorama futbolístico, cun galego no vestiario, Ricardo Cabanas, xogador do Grashoppers) e Eslovaquia (un rival descoñecido, pero que por méritos propios está a facer grandes cousas). O partido transcourreu con facilidade no estadio Olímpico de San Marino. Aínda así, puideron entrar moitos máis goles, se Federico Gasperoni non o evitase... Estreouse coma goleador na selección Antonio López, cun trallazo coa esquerda dende fóra da área. Sergio Ramos continuou coa goleada, estreándose por partida dobre, e " O Neno" fixo un hat trick para completar o 6-0. Ó longo do partido, todas as miradas estaban postas no Pequeno Maracaná de Belgrado, onde, un vermellibranco ( Mateja Kezman), acaba coas esperanzas de non ir á repesca. Agora toca esperar... Que selección será?  A continuación os equipos que están xa clasificados para o Mundial de Fútbol de Alemaña 2006: Europa: Alemaña (coma anfitriona), Holanda, Ucraína, Portugal, Francia, Italia, Inglaterra, Polonia, Serbia, Suecia e Croacia. América do Norte: Estados Unidos, México e Costa Rica. Sudamérica: Brasil, Argentina, Ecuador e Paraguai. África: Togo, Ghana, Costa de Marfil, Angola e Tunicia. Asia: Arabia Saudita, Corea do Sur, Xapón e Irán.  Mario Bermejo regresaba á Malata pero con distinta camisola. Agora non lucía a camisola verde coa que estabamos acostumados a ver ó basco correr polo campo ferrolán. O dianteiro fichado polo Albacete deu conta do seu trofeo Pichichi na pasada campaña con dous goles fronte o seu ex-equipo. Nunha Malata a rebosar, Bermejo coa súa nova camisola branca da entidade manchega, foi o heroe e o líder do partido, que rematou en victoria para os visitantes por 2-3. A pesar de adiantarse o Racing cun tempranero gol de Aira no minuto 8, Pacheco igualaba a contenda vinte minutos máis tarde. Os erros defensivos do Racing foron determinantes, xa que ainda que o equipo triangulaba e facía circular ben o balón, os manchegos souberon aproveitar os agasallos brindados pola zaga galega. No último cuarto de hora e en apenas cinco minutos, Mario Bermejo marcou os dous goles que deron o triunfo o Albacete, e pese a non celebralos por cortesía, a Malata tivo que tragar un nú grandísimo na gorxa... No desconto e trala expulsión do gardamallas do Albacete, Sanzol, Baha recurtou distancia para o Ferrol de penalti... Pero as cousas seguen mal para os irmáns Veiga... Agora mesmo son antepenúltimos con tan só cinco puntos e catro derrotas nesta tempada... Na Segunda B, o derbi galego entre o Negreira e o Celta B atopou un vencedor coruñés. O Negreira endosoulle un contundente 4-0 ó Celta B, quizais excesivo xa que o Celta non fico tan poucos méritos coma para recoller tantos balóns das súas redes... O Ourense recibiu unha goleada do Raio Vallecano no Couto por 1-4. O Raio é un equipo en expansión, e con claras opcións a regresar á categoría de prata... O Pontevedra recupera folgos logo da súa victoria en terras canarias contra o Vecindario... Un solitario gol de Charles dálle un respiro ós de Argibay... Todos os galegos están na metade da táboa: o Pontevedra noveno, o Ourense décimo, o Celta B undécimo e o Negreira décimo terceiro... Mentres non estean máis abaixo... Ademais do partido da selección española fronte a Bélxica, disputáronse numerosos encontros... Zona UEFARepública Checa- Holanda 0-2 Finlandia- Rumania 0-1 Dinamarca- Grecia 1-0 Ucrania- Albania 2-2 Georgia- Kazajistán 0-0 Portugal- Liechtenstein 2-1 Rusia- Luxemburgo 5-1 Eslovaquia- Estonia 1-0 Suiza- Francia 1-1 Chipre- Eire 0-1 Israel- Islas Feroe 2-1 Italia- Eslovenia 1-0 Escocia- Bielorrusia 0-1 Noruega- Moldavia 1-0 Inglaterra- Austria 1-0 Irlanda del Norte- Gales 2-3 Bélgica- España 0-2 Bosnia- San Marino 3-0 Lituania- Serbia 0-2 Croacia- Suecia 1-0 Bulgaria- Hungría 2-0 Zona CONMEBOLArgentina- Perú 2-0 Bolivia- Brasil 1-1 Venezuela- Paraguay 0-1 Ecuador- Uruguay 0-0 Colombia- Chile 1-1 Zona CAFSenegal- Mali 3-0 Congo- Togo 2-3 Uganda- Burkina Faso 2-2 Suráfrica- R. D.Congo 2-2 Cabo Verde- Ghana 4-0 Benin- Libia 1-0 Sudán- Costa de Marfil 3-0 Camerún- Egipto 1-1 Gabón- Argelia 0-0 Nigeria- Zimbabue 5-1 Ruanda- Angola 0-1 Túnez- Marruecos 2-2 Botsuana- Guinea 1-2 Malawi- Kenia 3-0  No circuito de Suzuka, Fernando Alonso quedou de terceiro, e acadou o seu primeiro podio neste gran premio, aínda que o piloto considerou que a estratexia empregada polo seu equipo foi moi, moi equivocada. O seu principal rival, Kimmi Raikonnen rematou primeiro, aínda que Fernando, con 123 puntos, xa é o gañador do mundial, el espera acabar co maior número de puntos posible. Juan Pablo Montoya non puido acaba-la carreira debido a un erro na viraxe dunha curva do circuito, que obrigouno a abandonar...  O equipo español de fútbol gañou onte a Bélxica por dous goles a cero. Durante os primeiros corenta e cinco minutos a selección estivo moi gris, sen apenas inquedar a porta de Proto, a defensa belga estivo fenomenal e salvou a súa escadra de forma providencial. A selección pecou de exceso de confianza, e esperaba atoparse co mesmo equipo da ida, pero non foi así. Mpenza, Buffel e o capitán Goor tentaron marcar algún gol a Casillas, pero na segunda metade, a entrada de Reyes e Villa na selección española refrescou o encontro. Dous pases do xogador do Arsenal rematados de forma espectacular polo dianteiro do Atlético, Fernando Torres, acabaron coas esperanzas belgas de poder clasificarse para o mundial. "O neno" foi o heroe da noite, e logrou que os afeccionados recuperasen a súa ilusión e credibilidade no combinado español.  A continuación, ofrézovos un trailer no que Ronaldinho desprende toda a súa maxia contra o Deportivo da Coruña, nun partido da temporada 2003-2004, aquela na que Ronaldinho chegara ó Barça e impresionara a tódolos afeccionados blaugranas. Clique aquí para descargar o arquivo .avi por cortesía de Ronaldinho10.com O himno do Celta conta con 75 anos de tradición (e moitos máis que vai ter). Despois dun ano no inferno da Segunda División, o Celta volve a Primeira... E como! Este ano é o do Celta, de novo á Champions! Ánimo rapaces... Para todos os celtiñas, ofrézovos o voso himno, este, a diferenza do do Deportivo, en galego... Clica aquí para descargar Hala Celta a demostrar, por tu historia e tradición, que o teu lema é noble xogo, valentía e corazón. Cando xogas con tesón vibra toda a afición. Hala Celta berramos hala Celta campeón. Celta, Celta, ra, ra, ra. Hala Celta a demostrar, por tu historia e tradición, que o teu lema é noble xogo, valentía e corazón. Cando xogas con tesón vibra toda a afición. Hala Celta berramos hala Celta campeón. Celta, Celta, ra, ra, ra  Para todos os deportivistas, ofrézovos o voso himno (aínda que eu non sexa afeccionado do Deportivo, aquí tedes o voso himno), en formato mp3, para todos vós. Espero que vos guste Clica aquí para a descarga Vamos !!! Y digo Deportivo, vamos a ganar este partido Y digo de Primera el Deportivo es directivo Vivo- Vivo- Vivo Vamos a ganar, la afición os va a apoyar Y vamos a gritar y acompañar Pero no hagáis el canel Que no nos tomen el pelo, pelo... Y digo Deportivo vamos a ganar este partido Y digo de Europa, el Deportivo es directivo Vivo - Vivo- Vivo Y digo Deportivo, vamos a ganar este partido Y digo Deportivo, vamos a ganar este partido Y digo Deportivo, vamos a ganar este partido De el mundo el Deportivo es directivo Vivo - Vivo - Vivo Un mail dunha amiga de Santiago que se chama Beatriz, inspirou que colgara este artigo no web blog. Vemos, como no artigo do corpo humano coma arte, a esta muller, toda unha forofa do Arsenal, o equipo londinense. Quero que observedes con detemento a fotografía que opinades sobre ela e sobre este novo apartado da páxina. Baixo o meu punto de vista, isto é unha arte alternativa, e cada vez é maior a explotación deste tipo de pintura. Para algúns, só é a substitución do lienzo polo corpo humano. Para outros, algo máis. Non sei o éxito que terá, pero a moza realmente, merece telo. En breves, máis fotografías con connotacións sexuais. Como non consego colocar a imaxe dende aquí, ofrezo un enlace para aqueles que queran ver a fotografía sen necesidade de ir ó blog en castelán: Clicade eiquí! Todo o mundo coñece a ese home que se aventura a cruzar os terrenos de xogo de calquera evento desportivo espido con algunhas palabras pintadas no seu corpo, ou mesmo algúns curiosos adornos... Pero... , quen é este home? A que moitos non sabedes o seu nome? Pois el é Mark Roberts, un home británico sen escrúpulos e con moito sentido do humor. Este inglés de corenta e un anos de idade, tiña unha vida sinxela e normal como a de calquera outro, pero en 1993 en Hong Kong, todo cambiou. Saltou en medio dun partido de rugby, e desde aquela, leva mais de 200 aparicións e xa apareceu no libro libro Guiness dos Récords. Entre as súas aparicións, está a Liga de Fútbol Profesional española, o Roland Garros, outras ligas de futebol do mundo (multitude de aparicións na liga do seu país) e mesmo, en sesións de golf. Ademais, este home se abre a novas experiencias, e rodou fai un pouco un anuncio con Renault Kangoo, e fai mais tempo un anuncio co Athletic Club de Bilbao, spot no que, por unha vez, aparece vestido.  As pelexas de barro son, para moitos, un deporte. Nos Estados Unidos, existen incluso asociaciones e lugares específicos onde se organizan campionatos deste tipo. Ademais de neste país (en teoria, modelo de paises para o resto do mundo libre), este deporte practícase en moitos outros paises de Europa. Grandes empresarios manteñen contactos con moitas discotecas. Eles poñen o diñeiro e as loitadoras, a discoteca a cambio, dálle unha alta porcentaxe dos beneficios que se obteñan, e a verdade, as cifras que se atinxen son realmente incríbeis. Pero á hora de participar, os homes séntense cohibidos e con vergoña de participar, ainda que se teña a imaxe deles como saídos e desesperados polo sexo, no momento no que o presentador do show lles convida a participar, se voltan todos covardes. As regras son moi sinxelas: unha piscina chea de lama, dúas mulleres. A que tire á outra fora da piscina primeiro é a gañadora. Moi simple, pero para moitos, unha forma de vida e de comercio.  Durante o ano pasado no Masters Series de tenis de Madrid, no mes de Outubro, o concello de Madrid decidiu colocar como recollepelotas ás modelos da marca Hugo Boss. Isto provocou protestas pola oposición: tanto os representantes de Madrid do PSOE e IU mostraron a sua indignación coa nova medida. FACUA tamén denunciou á compañía Hugo Boss xa que considera a imaxe das mulleres como denigrante. O PSOE decidiu mandarlle unha carta a Manuel Santana para que rectificase e colocara de novo a todos os rapaces que adestran duro para estar aí ano tras ano. O PP non mostrou nengunha opinión, senón que ficou completamente en silencio... Isto pode perxudicar a imaxe da candidatura de Madrid para os Xogos Olímpicos do 2012, pero mentres o concello se mantén á marxe, outras zonas do país móstranse reacias ás decisións de colocar a este tipo de modelos, como é o caso de Asturias. Neste caso, considérase que as mulleres representan meros reclamos sexuais, e ainda que Hugo Boss sexa un dos patrocinadores da marca, non debería colocar a este tipo de mulleres para promocionar os seus productos. Ás queixas se unen os tenistas e parte do público, sobre todo o feminino, que non o atopa para nada divertido e eficaz, xa que as modelos se confundian ao pasar as bolas, e tamén cando tiñan que cruzar dun lado ao outro da pista, co cal, o evento desportivo se se fixo mais vistoso, non foi polo xogo dos tenistas, senón pola figura das modelos. ¿ Que vos parece?¿ É lóxico que Hugo Boss coloque este tipo de promoción? Comentade o que pensedes sobre este tema. De todos é coñecido que a muller no mundo do deporte ten un papel protagonista un tanto recente. A importancia dos deportes concéntrase principalmente no xénero masculino. Tan só se destaca ás mulleres cando logran unha medalla nos JJ OO, ou gañan un mundial ou un europeo en algun desorte de primeira liña ( se é secundário, apenas é mencionado)... Doutra forma, a muller cumple un papel destacabel no desporte. Son mulleres aquelas que saen nos descansos e tempos mortos para bailar coa mascota da equipa local nos partidos de baloncesto, mentres os responsábeis de limpeza do pavillón pasan a fregona para pór o parqué a punto. Son mulleres aquelas que nas exposicións de automovilismo, xunto aos Ferrari e aos Porsche, encima do capó de cada un deles, a unha muller insinuante, de múltipis cambas e forma sedutora, que realiza uns movimentos que atraen a atención dos transeúntes e visitantes da feira. Son mulleres aquelas que portan un cartel co número de asalto no que están dous loitadores de boxeo, as cales van semiespidas, senn son espidas por completo... ¿Cando se pode considerar machismo e cando sedución?¿Parécevos normal que haxa este tipo de animación para os desportistas? Eu, tan só planteo unha cuestión que vostés deben responder... Este artigo ven como inspiración dun visitante e un amigo que fai comentarios intelixentes e curiosos que nunca pasan desapercibidos... Grazas David... por aportar a túas ideas e opinións...
|
